Paribasa (Peribahasa)

Paribasa téh nyaéta pakeman basa anu ungkarana geus matok. Paribasa ilaharna leuwih panjang ungkarana tibatan babasan, sarta hartina ogé leuwih lega.
( Peribahasa yaitu pakeman basa yang bentuknya sudah terpatok. Peribahasa biasanya lebih panjang bentuknya dibanding ungkapan serta artinya juga lebih luas. )
 
Conto paribasa sareng hartina ( contoh peribahasa beserta artinya ) :
•  Adat kakurung ku iga
Hartina: Kalakuan goréng sok hésé robahna
•  Bentik curuk balas nunjuk
Hartina: Resep nitah kabatur bari sorangan kedul digawé
•  Ngukur ka kujur nimbang ka badan
Hartina: Ngukur kana kaayan diri sorangan
•  Lamun keyeng tangtu pareng
Hartina: Lamun leukeun digawé bakal aya hasilna
•  Ngaliarkeun taleus ateul
Hartina: Nguar-nguar kagoréngan batur
•  Gindi pikir belang bayah
Hartina: Goréng sangka ka batur
•  Mipit kudu amit ngala kudu ménta
Hartina: Kudu bébéja heula ka nu boga
•  Ka cai jadi saleuwi ka darat jadi salebak
Hartina: Hirup babarengan sauyunan
•  Marebutkeun paisan kosong
Hartina: Masiniskeun pasualan anu teu aya hartina
•  Piit ngeundeuk-ngeundeuk pasir
Hartina: Boga kahayang anu pamohalan bisa kasorang
•  Neukteuk curuk dina pingping
Hartina: Nyaritakeun kagoréngan dulur sorangan
•  Mun teu ngakal moal ngakeul
Hartina: Lamun teu digawé moal bisa barang dahar
•  Silih jenggut jeung nu gundul
Hartina: Ménta tulung ka jalma anu sarua keur ripuh
•  Ambek nyedek tanaga mindek
Hartina: Kacida ambekna ngan moal bisa ngalawan lantaran moal pikuateun
•  Balungbang timur caang bulan opat welas, jalan gede sasapuan
Hartina: Rido, iklas, suka pisan.
•  Banda tatalang raga
Hartina: Leuwih hade ngorbankeun harta ti batan cilaka awak
•  Cikaracak ninggang batu, laun-laun jadi legok
Hartina: Awahing ku leukeun laun-laun jadi bisa
•  Gasik nampi gancang narima
Hartina: ngabageakeun semah ku budi jeung basa anu hadé
•  Henteu gedag bulu salambar
Hartina: henteu sieun saeutik-eutik acan
•  Mangkok emas eusi madu
Hartina: jelema anu omongna, lampahna, nepi ka hatena hadé
•  Oray nyampeurkeun paneunggeul
Hartina: ngadeukeutan picilakaeun
 
 

Harti Basa Indonesia paribasa Basa Sunda:

•  Adat kakurung ku iga

Kelakuan buruk susah dirubahnya.
•  Bentik curuk balas nunjuk
Senang menyuruh-nyuruh orang orang, tapi sendirinya malas bekerja.
•  Ngukur ka kujur nimbang ka badan
Mengukur kemampuan, mengukur kemampuan diri sendiri.
•  Lamun keyeng tangtu pareng
Jika rajin dikerjakan, pasti akan ada hasilnya.
•  Ngaliarkeun taleus ateul
Menguar-nguar kejelekan orang lain.
 
 
Ditilik tina eusina, paribasa bisa dibagi jadi tilu rupa:
•  Paribasa Luang Pangalaman
Nyaéta paribasa anu eusina mangrupa pangalaman hirup sarta bisa dijadikeun eunteung ku saha baé.
( Yaitu peribahasa yang isinya merupakan pengalaman hidup serta bisa dijadikan cermin oleh siapa saja. )
•  Paribasa Pangjurung Laku
Nyaéta paribasa anu eusina pangjurung ngarah urang boga kalakuan anu hadé atawa mangpaat.
( Yaitu peribahasa yang isinya memotivasi agar kita memiliki kelakuan baik atau yang bermanfaat. )
•  Paribasa pépéling
Nyaéta paribasa anu eusina pépéling, papatah atawa naséhat ngarah urang henteu nyieun kasalahan atawa kagoréngan.
( Yaitu peribahasa yang isinya peringatan. Pepatah atau nasihat supaya kita tidak berbuat kesalahan atau keburukan. )